kapag nakausap mo nang masinsinan si bessie badilla, para kang umiinom ng fresh buko juice! hindi mo halos mapansing kay rami na nyang nailahad tungkol sa kanyang buhay, karera at mga balakin. walang mapurol na sandali, walang kang mapagsidlan ng tuwa.
isa si bessie sa mga ramparadorang sinamba ng mga jokla hindi dahil sa kanyang angking galing sa pag-sashay at catwalk , kundi dahil sa kanyang kabuoang kagandahan bilang isang tao. bukod tanging pilipina rin siyang naging reyna sa sao paulo karnabal ngayong taong ito. lalo mo siyang pagtakhan dahil hindi ka halos maniniwalang singkuwenta na ang lola mo.
inaamin niyang lubos siyang nagpapasalamat sa mga doktor na walang sawang pinapatingkad ang kanyang alindog nguni't diin nya, ayaw nyang magmukhang bata kundi nais nyang maging maganda sa kanyang edad. noong isang taon lang ay nalampasan nya ang thyroid cancer at ngayon ay unti-unti nang nararamdamang tuluyan na siyang gumaling. balo man, mukhang napakabalanse ng kanyang mga emosyon dahil sa kanyang mga anak. kakaloka talaga siya, walang kiyeme, walang pasubali, tanging ang nasa puso ay lubusang maranasan ang katuturan ng pagiging isang 'bessie badilla'!
No comments:
Post a Comment