30.11.07

lessons

just this morning i was awakened by the tinkering ng aking fone. akala ko morning greetings from my labidabs. wiz pala, the text message from a friend from way back when (supershugal?) sent me some LESSONS LEARNED kuno mula sa PAMBANSANG ASSHOLE:

1. pwede pala maglakad frm makati city hall to manila pen. oo naman , ada, noh? noong bagets pa kami, mula haus ng tita ko sa may valdez, sa may jp rizal, nilalakad namin yang magpipinsan papuntang rizal theater (sa may parteng oakwood na ngayon) para lang manood ng haliwud pilms.

2. kasya pala tangke sa hotel. pati bus at limang dosenang kotse... na-try na yan sa uganda.

3. pagnaposasan pala media, nakakalimutan ang nag-aaklas, sila na muna pinag-uusapan. syempre kauri nila yon, at lalo na sa abs-cbn na nagpumilit na sumiksik kay trillanes para lang ma-scoop samantalang pinagsabihan na silang layasan na ang eksena at nakakaabala sila sa pulis actions.

4. di pala kagandahan si pinky webb pag walang make up. hahaha. pati rin si korina sanchez nang unang sumalang walang make-up at kamukha pala siya ni mahal! actually, habang tumatagal ang coverage paganda nang paganda si koring.

5. kulot pala si ces drilon pag di nagblower. hahaha, uli. actually mukha rin siyang zombie dun sa coverage.

these 1st five from ada.
tapos finorward ko sa mga fwnds ko... may humabol for the 6th slot, reply naman ni billy r.:

6. hwag kang tatabi sa sundalong naka-wig pag nasa presscon. sasabihing papa ka ni ernie maceda. actually, di ko ma-gets... masama bang maging papa ni ernie maceda? ngeeeh?

29.11.07

pen fiasco


hindi man lang ako nakabog sa biglang pagflash report na nag-walkout diumano sa kanyang hearing sa mtc si trillanes. hindi na rin bago ang istilo niya ng pang-aasar sa gobyerno at sa pamayanang pinoy. sadyang asiwa na siya sa kanyang sarili dahil hindi niya matumbok ang dugo at laman ng kanyang ipinaglalabang ewan. sa totoo lang, mukhang pinangangatawanan na lang niya ang sarili bilang ang bagong PAMBANSANG ASSHOLE. nariyan na tayo't noong una'y mukhang masustansya naman ang mga dahilan niya upang maghimagsik kahit na nga sa pamamaraang subersibo. nariyan na rin at labis tayong nabighani sa kanyang angking kakisigan at pagpantasyahang dakikay siya.

palibhasa'y beterana na ang aking mga teynga sa ganitong mga kaganapan mula pa noong 1989, wala akong matandaang may nagtagumpay. mukhang katangahan nga lang ang umiiral sa paglalakas-loob ng mga tiwaling militar na pabagsakin ang pamunuan. sadyang malabnaw ang mga katuwirang kanilang inihahain para mahigop ng lubusan ng masang umaalialigid. hindi sapat ang diumano'y makabayan nilang adhikaing i-ahon sa sigalot kung saan ay nakalublob raw ang sambayanan. alam kaya ni antonio na hindi maaring pagsabayin ang pangangahoy at pagsisiga? grabeng abala ang inilunsad niya at ng kanyang mga kakupal sa manila pen. biruin mo at sosyal pa ang piniling pagkakutaan? sa loob-loob ko, mas magkakaroon sana ng kulay ang kanyang pag-aalburuto kung sa isang entresuelo o mega-depressed na iskwateran siya tumungo at nagdeklarada ng kalayaan mula sa pamumuno ni GMA. malamang doon, mahihirapan ang mga govt forces na lusubin siya at napakaraming tao run. seguraduhin lang niyang palalafangin niya ang lahat dahil kung hindi sila mismo ang tsutsugi sa kanya dahil sa inis.

walang lasa pala si trillanes. bland kumbaga. nailipat na pala ng kanyang ngitngit ang kanyang puwet sa kanyang mukha. pamatid-gutom lamang sa media sa kanyang itinanghal. lalo niyang pinalalayo ang masa sa paminggalan. sabi nga sa text message ng isang kaibigang bikolano: 'tarami tabi yang si trillanes na magparapondo na sa kapatalan niya con dai, pitikon ko an bunaybunay niya!'

23.11.07

weder u do or weder u dont


halos humilagpos sa aking seksing katawan ang ilan pang natitirang katinuan kahapon ng umaga sa nakababahalang bulletin na inilabas ng PAGASA. ayon raw sa kanilang weather monitoring churva, rektang matutumbok ang kabikolan at tutuloy ito pakanluran which of course makes my location exactly on its path! hinila kong pilit ang aking ulirat upang kapagdaka'y matanggap ang kapalarang maaring dumatal sa aking kinalalagyan. syempre, sariwa pa ang nakaririmarim na dinulot ni milenyo last year, ika-28 ng setyembre to be exact. una kong tinantiya ay lafang. syempre, fly agad sa south supermarket para mas lam-yur ang mga de-lata (na ganun rin pala ang presyo, syet) at mga kakailanganing baterya, kandila at kendi. sunod naman ay ang pag-iimbak ng dram-dram na tubig panligo at galon-galong pandrinkayola. syempre pa rin, halos itahi ko na sa aking teynga ang AM radio na ora-orada'y may advisory ukol sa kalagayan ng panahon.

pero higit sa lahat ay ipinagdasal ko na sana'y lumihis ang sungit ni 'mina' doon sa kung saan ay halos wala itong mapipinsala. buong taimtim kong inihinga sa kaibigang santo ang aking dalamhating mararamdaman sakaling dumaan sa aking realm ang jugyo! halos napaluha ako sa kasasambit ng "spare this beautiful land... spare us from all fears... spare us... oh Lord!". kaipala'y guminhawa naman ang aking pakiramdam at nagpasyang let's get it on, kung talagang kailangang magsungit ang panahon, hayaan na nga.

tapos, itong maldita kong lolah, biglang may pinakita sa aking satellite feed mula sa isang international weather monitoring system na tuwirang kakaiba sa kung ano meron ang PAGASA! aba, pahilaga ang direksyon nito at walang pagbabago mula nang ma-ispatan ito! medyo nakahinga uli ako, pero paano kung tama naman ang sa PAGASA? well, tuloy pa rin ang dasal ko hanggang malaman-laman ko kaninang umagang LUMIHIS nga raw si 'mina'. tulala ako. di makapaniwala. biro mo, buong maghapon akong na-tense dahil sa maling weather read ng ahensya? paki-explain naman FRISCO NILO, bakit ganun?

20.11.07

corned beef sinigang

halos ayaw mo nang bilangin ang mga maulang araw at gabi. animo'y reflex na rin ang bigla mong paghalukipkip habang biglang bubuga ng halumigmig mula sa kung saan. ayaw mo na ring matulog mag-isa ; kailangan ng kayakap ang lamigin mong katawang lupa. kapag ganito ang panahon, tiyak na maghahanap ang iyong ngalangala ng pampakalma...

kaya para maiba sinubukan ang malaon ko nang nais matikman. ang CORNED BEEF SINIGANG...

2 lata ng purefoods chunky corned beef o isang mamahaling PALM CORNED BEEF
1 mahaba at matabang labanos
2 bungkos na kangkong , isama rin ang ilang 'stalks'
4 siling haba
panggisa chenes
paminta durog or otherwise, kevs
konting mantika
tantiyahang dami ng LASAP sinigang mix

paanix? may-i-gisa mo lang ang sibuyas, bawang at kamatis in that order. mas maganda kung bongga ang cookware mo, never aluminum. then pag medyo kulontoy na sila, throw in mo ang manipis at pabilog na hiniwang labanos at sili haba. sing ka muna ng 'kering-keri', taz put mo ang corned beef. cover mo muna, as in 'pagpawisin'. makaraan ang ilang glory be, put mo na ng katamtamang tubig/sabaw at join na ang kangkong. pakuluin habang nagbebending ng 50X, taz put mo na rin ang pampaasim. alalahaning maalat na corned beef kaya alalay lang sa pampalasa , if ever.

ihain na nakangiti. kung taksil pa rin ang palalafanging papaysung , titigang alternately ang 'cornedbeef' at siya. makukuha naman seguro niyang corned beef ang kahihinatnan niya kung di siya umayos. eching.

pancit buko

walang hihigit pang kacheapan sa joklish na nanunumbat sa kanyang jowemarquez. sadyang showcase theater ito ng tunay na fiber nya as a person. davah? kaya dapat habang mainit pa ang lambingan period ng affair, hayaan na sanang magpakasibil sa pakikitungo. sa unang lugar (azzin in the first place) , pagmamahal at anda lang investment mo therefore dapat unconditional ang lahat. never expect anything, davah? nakakaawa yang mga jugets pang joks na kapag natuklasan nilang may kadede pala sila sa notrilya ng chur nila ay biglang lulutang ang pagka-bipolar nila! yuck to the max. nakakashorthair 'yon, 'neng!

ang bongga na lang na dapat i-do ay palaflusin ang jinajupaks na taksil ng metaphoric dish... kung nabuko nyong trulilimontivirdi nga na hev sya ng isa pang joks o jilat , hainan bigla ng ...

PANCIT BUKO

2 tasang ginayat na buko
1 tasang lutong baboy, hiwain pakwadrado
1/2 tasang lutong hipon, hiwain pakwadrado
1/2 tasang chorizo china, hiwain pakwadrado
3 butil, pinitpit na bawang
1/2 tasang mantika
1/2 tasang prinitong tofu, hiwain pakwadrado
1/2 tasang ginayat na repolyo
1/2 tasang sayote, hiwain nang pahaba
1/2 tasang sitsaro
patis, panimpla
pamintang durog
1 nilagang itlog, hiwain nang pahaba
1 kutsarang sibuyas na mura, tadtarin
1 kutsarang kinchay, tadtarin
kalamansi

igisa sa langis ang bawang hanggang maging brown.

igisa ang sibuyas, baboy, hipon, chorizo, tofu, repolyo, sayote, at sitsaro. lagyan ng paminta, pampalasa. ilagay ang ginayat na buko saka timplahan ng patis.

kapag luto na, ihain sa bandehado. adornohan ng sibuyas na kichay at itlog.

ihain nang mainit, samahan ng kalamansi.


at habang superlaps ang shinumainch na juyop, supertalakathon ka naman ng mga kwentong infidel... ewan lang kung sadyang makapal siya but definitely, mag-esep-esep ka na 'day... hwag mong asahang ikaw na ang pinamasarap ng joklish sa balat ng durian! charuzzzzzz!

okatokat! okatokat!

sadyang mapanlinlang ang mga pagkakataon pag minsan. lalo na't shushungashunga ka at maagang dinapuan ni al's hammer [(fun) intended]. mayroon talagang mga araw na para bagang di mo mahipo ang katuturan nito. merong bigla na lang na manyayari sa'yo at sa mundo mong kinasisidlan. bueno, to cut the short story, may i ask ka lang kung aneks ang iyong FEARS! kasi pag na-identify mo, flyolayola ang lahat ng masalimuot mong karanasan saka-sakali.

ilan sa mga kinatatakutang mangyari ng isang veheklish:

1. tumandang purita malolos andoy.
2. makalafang ng notang isang langaw na lang ang dadapo't mabubulok na.
3. i-lulucilalalu sa loob ng sariling hauschiwa.
4. machismak na hev ng aidanquinn.
5. majobostra ng isang umbawawits ang lahat ng andacarmona circle.
6. machugigalu ng ganun-ganun na lang sa iklik.

marahil ay marami pang FEARs ... but then, kakaFEAR nang i-write pa.

chung.

19.11.07

apple of my eye

superwindang naman ako nang minsang natisod sa friendster account ng long-lost-but-not-forgotten friend kong si rory . kakaiba at mashadowng pa-cute ang comment ng isang nagngangalang 'jen' for him. but anyways, its for all of your entertainment and delectation! here goes:


'you are the apple of my eye...
mango of my pie,
palaman of my tinapay
keso of my monay,
teeth of my suklay
fingers on my kamay,
blood in my atay
bubbles of my laway
sala of my bahay,
seeds of my palay,
clothes in my ukay-ukay,
calcium in my kalansay,
calamansi on my siomai
inay of my tatay,
knots on my tie,
toyo on my kuchay,
vitamins in my gulay
airplane of my cathay,
stars of my sky
hammer of my panday,
sands of my boracay,
sultan of my brunei,
highlands of my tagaytay,
mole on my ate guy,
baba of my ai-ai,
voice of my inday garutay
spinach of my popeye,
sizzle when i fry,
wind when i paypay,
tungkod when i'm pilay
feeling when i'm high
shoulder when i cry
wings when i fly,
prize when i vie,
cure to my aray
answer to my why,
foundation to my tulay,
truth behind the lie,
life after i die
in
short
you
are the
center
of
my
buhay!'

13.11.07

kainan sa dilim

biglang naalala ko tuloy si mader isang gabi noong habang ako'y lumalaps ay nagbrown-out sa aming village. local disruption lang naman, at walang relasyon sa pag-aalburuto ng palakang kapapardon pa lang habang ipinagdadamot ang kanyang mga naharbatchi. at dahil nasa kainitan ng paglantak ng crispy pata at dinuguan, kinevs ko na. eat pa rin, kese. kahit halos di maaninag ang nakahain, pagkuwa'y kinapa ko na lang at nagkamay. sa di ko maunawaang dahilan, lalo kong nalasap ang linamnam ng lafanggi. pumapalatak sa lutong ang balat ng pata... lalong matingkad ang asim sa dugo at sa laman. doon ko natantong mayroon palang malalim na katuwiran si mader kung bakit siya lumalamon sa dilim... kahit hindi siya naputulan ng meralco.

hindi siya ang bayolohikal kong ina. siya ang ina-inahan kong bakla. siya si mader. hindi ko na babanggitin pa ang namesung niya dahil minsan ay pumasada rin siya sa syobis. matagal kaming nagsalo sa kanyang lungga sa may kubaw at maraming karanasang pinaghatihatian. kaya lang ngayon ko lang talaga natanto ang idiyosinkrasiyang aking napansin sa kanya noon, bagamat pinalampas di na hinalukay pa. malimit niyang kainin sa dilim ay ang paborito niyang kalderetang itik. akala ko talaga, pinagdadamutan niya ako noon; sey ko naman sa sarili ko eh hindi naman ako lumalaps ng itik. marahil ay ninanamnam niya ang mga alaala ng kanyang kabataan sa pateros sa pamamagitan ng lasa nito. malamang susubukan ko rin mamayang lantakan ang isang paketeng fig newtons sa dilim, baka sakaling umagos na parang ilog ang ilang mga eksena ng aking kabataan sa isang tagong bayan sa bukidnon...

6.11.07

bonnevie, dina


katuwang magbaliktanaw paminsan-minsan lalo na't mga mababangong alaala ang lumalantad at sukat ng di na sinisipulan. mga araw ng kabataan at kawalan ng muwang habang binubuo ang mga pangarap at kinabukasan. mga takdang panahon na nakatatak sa isipan upang hagurin pagdating ng oras ng katandaan... isa rito ay ang 1985, ang taong nakilala ko si DINA BONNEVIE.


'twali noong 1975 nang saglit akong nag late night dj sa radyo sa legazpi city ay may regular caller at nagrerequest na dina bonnevie of washington drive (capt. f. aquende drive na ngayon). sey ng sisteret, ka-batch raw niya ito sa st. agnes academy. ah, ok. taz, noong nasa manila na ako, ilang buwan bago nag-PP sa edsa, sinubukan ako ni direk boots plata na umakting-akting sa preprog (TVBoxOffice "Bubbles&Jeremy") ng EATBULAGA! na nasa channel 9 pa noon; join at tsika na rin ako. si michael de mesa ang bidang men at naka-2 day taping na kami , wa pa rin leading babae. dapat raw si ness kaya lang kakashupostra pa lang ng sitcom nila ni michael. taz, biglang nagkagulo sa TAPE studio sa 3rd day sked nang may nagwawala sa gate. hello? si dina bonnevie pala 'yon? hindi na malinaw kung bakit niya pinagmumura ang mga guard sa gate kasi ang tagal na rin kasi n'un. basta't kibit-shoulder lang silang lahat DAHIL , maghihiwalay na pala sila ni bossing that time. 'aburida' as in ang first imprey ko sa kanya. nakasimangot lagi at kahit inaaliw siya ni direk, saglit siyang hahalakhak sa mga jokes at kagyat ring babalik sa kanyang madilim na sulok. kesyo juklang jorlorista ang role ko, kesyo bestfriend ko kuning ang lolah, dinededma niya ako. 'twali, nakakashokot tumabi sa kanya, parang any monument bugahan ka ng asopre!



habang tumatagal, naging close kami. charuz. close daw o. yeah, true. naging close kami as in nagtatawagan at narealize ko na isa siyang matino at may breeding na tao. pumapasyal nga ako sa iiwanan na nilang haus noon sa teacher's village at nabentahan ko siya ng ROYAL QUEEN na wok which up to now usage pa rin ng ate! o , laban ka?


tapos nag PP nga sa edsa. pebrero 'yon. eh ang showing namin ay marso. natuloy ang showing pero napurnada ang showbiz career ko... yon ang panahong ayoko nang isipin... yong lumayas si apo M at pumalit si cory... ayaw ko ng erang iyon. basta, masaya na rin akong nakilala ko si dina at hanggang ngayon ay wiz pa niya forget ang byuti ko. labs kita , geraldine!

5.11.07

dehins trillo sa 'IMBESTIGADOR'



huwebes ko ata nasumpungan ang stinger ng 'imbestigador' ni mike enriquez sa siete na tinatakam ako manood sa sabado nitong palabas upang malaliman kong makilala ang isang taong nagsasabing siya raw ang kambal na kapatid ng matinee idol na si dennis trillo. base sa clips na pinasilip (na medyo malabo dahil spycam), mapansing may kung anong hawig nga ang mokong kay dennis. at kahit may nag-anyaya pa sa aking magliwaliw sa tagaytay ay nagpasintabi ako at hinintay ang takdang oras ng palabas.


pikit-dilat kong tinulay ang OBB, at swerte namang unang feature ng mga inimbestigahang cheverlu ang kaso. ala, eh at ang setting ay sa balayan, batangas. doon samu't saring pagtatangkang mang-onse ng tukmol. naroong nag-event coordination pa mandin sa isang shahalang resto doon para raw sa joint birthday celebration nila ng 'kambal' niya! aba't nag-order din ng mga furniture at appliances (na rinepossess dahil sa kawalan ng down) at tuwirang na-deny na pagpantasyahang magka-motorbike! opkorsintirkors, lahat ng ito ay pinabulaanan ni dennis mismo, dahil talaga namang hungkag sa katotohanan ang lahat. totally ridic. kyems. eklavum.


delusional ang taong iyon. maraming katulad niyang nagbabakasaling guminhawa o magkakulay man lang ang payak nilang buhay. sa taglay na katiting na pagkahawig sa mga kilalang tao (kalimitan artista), isinasakatuparan nila ang mang-abala sa kapwa sa ngalan ng celeb na napagtripan. sa aking mga nagalugad na lugar, mayroon ako laging ganung karanasan... minsan anak daw siya ni tingting cojuangco (eh, kilala naman natin lahat ng junak niya noh?), o ang kapatid ni christopher de leon (hawig nga, kaya lang puedeng magpark ng trak sa butas ng ilong niya); o ang baklang tiyahin raw ni toni gonzaga (halos magkasingganda sila, enfurnez)... at supermega azzin dami pang ganun.


isa itong psychological disorder, mahabang therapy ang kailangan (eh paano kung magkunwa na rin siyang psychiatrist?). nakatutuwa habang hindi pa nakaaabala o lumilihis sa moral at sibil na batas. kakaaliw habang sa likod sa utak mo'y sarap nang kutusin pero sino ba naman tayo para agad silang husgahan bago natin ipaIMBESTIGAdor, davah. saka na lang kapag nakaramdam na tayo ng malisya. malisyang nasa threshold na silang maka-isa o dalawa sa atin.


ako nga, laging napagkakamalang kapatid ni pilar pilapil o mismong si pinky de leon pero never as in nunca kong pinangarap na isangkalan ang isa lamang na masalimuot na pagkakahawig.

1.11.07

feeling mediterranean, charuz!

as in. sa haba ba naman ng itinakdang bakasyon, at sa dami ng oras na makapag-bonding sa mga kaclose mo; dapat mag-feeling ka para maiba naman. this time, mediterranean. paano? simple lang . cook ka ng PASTA&CHICKEN medley...

ang ingredients ?

120-150g dried pasta twists
1 tbsp oil
2 tbsp mayonnaise
2 tsp bottled pesto sauce (puede ring make mo pero kevs, nakakashugod noh?)
1 tbsp sour cream (buy mo, wag mo make!)
175g luto nang skinless, boneless chicken
1-2 celery sticks
125g seedless grapes (yong walang buto, seedless nga eh, gagah!)
1 large carrot, trimmed
salt & pepper
tsaka celery leaves, panggarnish lang.

french dressing: ('twali puedeng buy ka na lang)
1 tbsp wine vinegar
3 tbsp extra-virgin olive oil
salt & pepper

proceed ka sa dure...
1. sa dressing, i-whisk mo lang silang lahat at seguraduhing well-blended. intiendes?
2. cook pasta with the oil for 8-10 minutes in boiling, salted water. drain. rinse, drain again, transfer to a bowl and mix in 1 tbsp of dressing. papaghingahin muna azzin set aside!
3. pagtsikatsikahin azzin combine ang mayonnaise, pesto sauce at sour cream sa isang malinis na bowl, tapos i-season ng salt and pepper ayon sa iyong panlasa.
4. cut chicken into narrow strips. cut the celery diagonally into narrow slices. reserve grapes for garnish; halve o hatiin ang iba. i-jullienne strips na mala-arrows ang carrots.
5. add the chicken, celery, halved grapes, carrot at mayonnaise mixture sa pinalamig nang pasta at i-toss thoroughly. check mo rin seasoning, taz dagdagan ng asin at paminta kung kailangan.
6. i-arrange ang pasta mixture sa isang serving plate. garnish-an ng nireserbang ubas at celery... syempre , 'yong guests mo na bahala mag-dress... kaya, huwag nang hintayin ang pasko ... ihain na agad!

ayan, medyo malinaw yan ha. 'twali, kung halos anim na beses mo na itong ginagawa parang robot mo na siyang maihahanda. sobrang gaan lang niya at yummy like jake cuenca kaya tiyak hindi ka makakalimutan ng friends mong napadako sa iyong mundo...

ano pang wait? FANGLA na!