hilabihan ang akong kalipay kang akong nasayran nga makapanuroy kos cebu! ug wa pa kasla ang akuang pag-umangkong guwapa didto wa jud tingali ko makaadto nianing mga panahuna. dugay-dugay na sab ko wa makatungtung intawn sa sugbo. more than eight years naman tingali 'to? busa, pag-abot namo (kauban nako ang akuang magulang nga bayot sab), mura kog nanibag-o kay lahi na kaayo ang cebu karon sa cebu nga akong hibal-an. daghan na kaayong taksi... makalipong na ang trapik. opkors, asa pa man jud padung ang ginatawag nga Queen of the South kundi sa pastilang katingalahang progreso. sa akong bana-bana dili pa kaayo modugay mahimong usa sa pinaka-anindot nga syudad ang cebu sa tibuok asya. sa among paglakawlakaw sa colon, tua pa gihapon ang iyahang charm... bisag mas hingdaghan ang mga tawo, mabati nimo ang ilahang ginikanang sugbuanon. lami sab gihapon ang pagkaon! natagbaw jud ko sa seafoods ! hinaot untang makabalik ko in the near future aron bisan kas-a pa ma-experience nako ang sugbo!
1 comment:
ang mga nakataak ug nakasud-ong sa kaanyag sa Sugbo ug katong nakasinati sa kanilaw sa siyudad, mahigugma gyod sa Sugbo..Balik balik ta sa sugbo..
Post a Comment