pusa
sa kawalan ng mamahali'y
kuting siyang iyong aampunin.
bibitbitin at aamuin sa kakapiranggot
na dilis nang agad kang kilalaning
panginoon.
papangalana't ilalayo sa mga pusakal
nang di mapariwara ang bubot na
kamalayang pusa.
hahagurin, lalaruin, ipagbubunying
parang sanggol
hahanap-hanapin upang pagod mo'y
mapigtal sa mayuming kalambutan
ng balahibo niyang hika ang katapat.
at sa kanyang pagkapusa'y mangingimi
ka, di niya alintana ang
pag-aruga
sapat nang lumaki siya't magising
kang ang lambing niya'y gutom
at sa mata'y pagkain ka!
1991
2 comments:
cute naman ng tulang toksik... ramdam na ramdam ko ang kabaliwan! more!
WHEW, i haven't heard anywhere in the world such thing as 'toxic poetry'... this is utterly a gem of a genius!
Post a Comment