wa akoy katahum

bisan unsaon dili jud ko maingnan ug guwapa. kay lagi wa akoy katahum. taas ang suwang ug manukon, makaingon jud kag 'kalooy ba sab...', pero ay-ha ka muhilak ug mangadye nga unta akong madawat nga luag sa akong kutukutu kining akong kahimtang. tan-awa usa ang larawan >. makagitik no? mao kana ang akong gitawag nga 'beauty as a state of mind'. wa nay lalis. ug unsa man ang imong mahimo , paningkamut nga makagahom ka ug usa (bisag duha) kunong ilusyon nga makalipong. gamay ra gung meyk-ap ug kusog nga buot aron maka-posing kag murag model, unya presto! puede ka nang ibutang sa billboard sa edsa o fuente osmena o bisag asa bisan sa tangub city! gamayng biga-biga, gamayng pahiyom... usahay malimtan nimong wa man jud kay bisag mumhong kagwapa!

kamingaw sa payag

'kamingaw sa payag,

kanhi atong gipuy-an

ngano ba'tawn...'

mao ang sinugdanan sa usa ka anindot nga cebuano folk/lovesong. hapdos sa dughan. Kaul-ol sa kasingkasing nga hunahunaong kas-a sa usa sa layo kaayong kagahapun diha'y duha ka kalag nga naghinigugma'y. duha ka tawo nga sa ilahang paginubanay , murag hilas gamay na ang ka-sweetan! lami baya pud isipon nga kitang tanan guikan sa usa ka payag ; didto sa luyong buntod ug layu sa tanan. didto 'ta nangamang ug nahimong tawo. usahay, dili nato tanto, mudalikyat ang atong handurawon unya murag wa'y nahitabo nga mausab ang tibuok natong nakaaging panahon. its more than just a simple attack of ennui. Dili nako gyod matugkad ang lawom nga dagat sa kamingaw nga akong gabation ug mao kani ang tuluyuon. Pero pagkahuman, hayahay na. Busa, ug medyo dili maayo ang inyuhang pagmata sa buntag... ipikit ang mata. manlaag sa kagahapon. patulua ang luha ug presto! dili na kaayo mingaw ang payag!